LEKKER LUISTER

Ek het in 2003 aangesluit by die wêreld van klank en het al verskeie rolle by die radio vertolk. Die van omroeper, akteur, regisseur, skrywer, aanbieder en vervaardiger. Dis my passie om prentjies te skep met net woorde, musiek en byklanke. Met Lekker Luister hoop ek om kinders (en hulle ouers) se verbeelding aan te gryp met ons stories. 

Op ‘n persoonlike noot . . . ons seun is verstandelik gestremd en is nie-verbaal. Hy sal moontlik nooit self kan lees nie, so Lekker Luister is vir hom, en almal anders wat WIL maar nie KAN lees nie.

Mag ons stories vir jou ‘n toevlug wees.

Christelle

xxx

Stories was nog altyd ‘n groot deel van my lewe as aktrise, en nou as ‘n ma, meer as ooit. Dit maak my kinderlik opgewonde om te weet Lekker Luister is daar vir my kinders, en ook vir ander kinders om na te luister, en hulle verbeelding te verryk.

​ Ek onthou as dogtertjie hoe my ma my altyd herinner het om voor die radio in te skuif en na die middagstorie te luister. Dit was die beste 10 minute van my dag. Daar het ‘n hele nuwe wêreld oopgegaan in my verbeelding waarin ek kon ontsnap. ‘n Wêreld-in-my-kop wat ek self geskep het. Ek hoop dat elke storie, vir elke kind lewend sal word, en dat hulle dit nie net sal geniet nie, maar ook lewenslesse daaruit sal leer.

Liefde Juanita

xxx